ابرحل عنك صدقني

ابرحـل عنـك صدقنـي كرهـت الـحـب باسبـابـك
ابرحل ما حنيـت الـراس لـك يـا خايـن العشـره

ابرحل واهجر ديـارك وخلـك فـي هـوى احبابـك
ابرحـل والـغـلا بيـنـي وبيـنـك منتـهـي عـصـره

تعبـت اكـذب الـواقـع واصــدّق كـذبـة اعجـابـك
لأنـي عاشـق ٍ مخلـص ملكـنـي حـبّـك بسـحـره

تعبـت اراعـي شعـورك واغـظ الطـرف بغيـابـك
غشيـم ٍ واحسبـك وافـي خدعـت القلـب بالنبـره

رخصت الكل من شانك .. رضيت اتحمل عتابك
ولكـن للأسـف حبّـي مــن افعـالـك ذبــل زهــره

تحملتـك علـى ظلمـك وقلـت الوقـت يصفـى بـك
واشوفـك تلعـب بذيـلـك وغــدرك آه وش كـبـره

وفـوق الغـدر تتمسكـن وتخفـي الـسّـم بانيـابـك
وتظهر دمعتك تبغي تغـش اللـي رخـص عمـره

ولـكـن وفّــر دمـوعـك تـرانــي خـابــر الـعـابـك
انا مانـي مثـل غيـري ضعيـف النفـس والقـدره

محيـت اسمـك وشقّقـت الرسايـل وانقفـل بـابـك
ولا عـاد المشاعـر يحتـرك مـن شوقهـا شـعـره

كرهـت اسلوبـك الماكـر كرهـت انـاظـر اهـدابـك
وعفتـك عقـب مـا بانـت حقيقـة قلـبـك وغــدره

مصير الوقـت يثبتلـك وفـاي ويحـرق اعصابـك
وتتحسـف علـى مافـات مـنـك وتمتـلـي حـسـره

اقـول ارحـل فمـان الله ولانـي بحسـب حسـابـك
مــدام الـغـدر فــي دمــك تـوكـل لا تـجـي بـكـره

توكـل لملـم شتـاتـك مـعـاد الـوقـت يحـلـى بــك
تـوكـل لا تحـسـب أنــي بـهـل بغيـبـتـك عـبــره

ابي تنسى حروف ٍ صغتهـا لـك يـوم تزهـى بـك
وابي تنسـى حبيـب ٍ سـال حبـره دم فـي شعـره

بعلّـمـك الـوفـا واشـلــون لـيــن الـغــمّ ينـتـابـك
واجرعـك العـذاب اشكـال دامـك بـرت بالعـشـره

دمتم بود

يسلموا يالغلا ماقصرتي
ونتمني المزيد دوما وأبدآ