تصدق والا ماتصدق

تصدق وإلا ما تِصَدِّق .. أنا عَاجِزْ عَنْ التفكير
تـعَالْ وشُوفْ في عينِكْ غِيابكْ وشْ عَمَلْ فيني

حــــبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عــيني

أجَـاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَــــاجَه .. تــــهنيني

على طاريكْ كِلْ لحظه .. ولا أحــــــتاج للتذكير
حَريصْ القلب ما ينسَى عيونِكْ , لا توصينـــي

مَحَدْ يِقْدَر يعَوِّضْنِي لأنِّكْ .. في عيُوني غــــير
ومَهْمَا شِفتْ أنا الفرحَه .. بدونِكْ ما تسـليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويــــني

مِثلْ طيرٍ كِسَرْ بُعْدِكْ جَناحَه وما قِدَرتْ اطــــير
أحَاولْ أبْتِسِمْ وأنْسَى ولكنْ وشْ ينســيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنـــامْ شلونْ ومشكلتي عِجزتْ ألقى لَهَا تدبير
طِلَبتْ النُــــــومْ .. لحظاته وعيَّا النُوم يعطيني

تـــغيَّر وجْهَي .. مِنْ أوَّل غيابكْ وإبْتِدَى التأثير
حــــبيبي .. مِنْ التَّعَبْ كافي خذيتْ اللِّي يكفيني

يــــا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تـعَالْ: إنْ كِنتْ تعشقني وإذا فِعلاً تبي لي خير
تــــعَالْ: ومِدْ لِي .. كَفْ الوَصِلْ .. وآمِدْ كَفيني

إذا كــــانْ الجِفا واجِبْ بدى مِنْ قلبي التقصير
أبـيكْ الــــــحِينْ .. تِرجَعْ لِي ولا تِرجَعْ تخليني

أنا مـــــا أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني

منقووووووووووووووووول

مشكورة يالغلا على هالطرح الرائع